ჩილეში ტყის ხანძარს მსხვერპლი მოჰყვა
ჩილეში ტყის ხანძარს სულ მცირე 18 ადამიანი ემსხვერპლა, ხოლო ქვეყნის სამხრეთ ნაწილში ათასობით ადამიანი საცხოვრებლის გარეშე დარჩა.
ხანძარი განსაკუთრებით მძვინვარებს ნუბლეს რეგიონი-ში, სადაც ცეცხლი 8 500 ჰექტარზეა გავრცელებული. სტიქიის შედეგად დამწვარია 250 საცხოვრებელი სახლი.
ძლიერი ქარი და 38-გრადუსიანი სიცხე ხანძრის ლოკალიზებას მნიშვნელოვნად ართულებს და ცეცხლი ამ ეტაპზე კონტროლს თითქმის არ ექვემდებარება. რეგიონში ევაკუაციაა დაწყებული, ხოლო ქვეყანაში კატასტროფის მდგომარეობა გამოცხადდა.
