ბაჩო ახალაიას მეუღლე პროკურატურას მიმართავს
ბაჩო ახალაიას მეუღლე, ანი ნადარეიშვილი, განცხადებით მიმართავს საქართველოს პროკურატურას და მოითხოვს განმარტებას, თუ რატომ არ ეძლევა შესაძლებლობა, მეუღლეს ადვოკატის სტატუსით შეხვდეს.
ნადარეიშვილმა შესაბამისი განცხადება, რომელიც გენერალური პროკურორის, გიორგი გვარაკიძეს მისამართით არის შედგენილი, სოციალურ ქსელში გამოაქვეყნა. განცხადებაში აღნიშნულია, რომ მას უარი ეთქვა მეუღლესთან შეხვედრაზე როგორც ადვოკატს.
"აქვე ვაფიქსირებ, რომ კონსტიტუცია, კანონი და სამართალი ამ ქვეყანაში არ არსებობს, ხელისუფლება მიტაცებულია რუსული რეჟიმის მიერ, მაგრამ ამ წერილებს რეჟიმის მსახურ ორგანოებს ვწერ შიდა სამართლებრივი დაცვის საშუალების ამოწურვის მიზნით, რომელიც დადგენილია საერთაშორისო სტანდარტით", - წერს ნადარეიშვილი.
