ნინო გოგუაძე – მთავარი, რაზეც ვაპირებ მუშაობას, იმ განვითარების გაგრძელებაა, რაც ახლა ქვეყანაში მიმდინარეობს

295

მთავარი, რაზეც ვაპირებ მუშაობას, ეს არის იმ ტენდენციების, იმ განვითარების გაგრძელება, რაც ახლა ქვეყანაში მიმდინარეობს, – ამის შესახებ „ქართული ოცნების“ გუნდის ახალმა წევრმა, ნინო გოგუაძემ ჟურნალისტებს განუცხადა.
მისი თქმით, ყველაზე მთავარი, რაც “ქართულმა ოცნებამ” ოთხი წლის მანძილზე შექმნა ქვეყანაში, რომელშიც არის სტაბილურობის, ადამიანის უფლებების დაცვის განცდა.
„გაგვიჩნდა განცდა, თავისუფლების, ჩვენი საკუთრება ხელშეუხებელია, ჩვვენი გამოხატვის თავისუფლება დაცულია. სწორედ ეს იქნება ის საკითხები, რაზეც მე გავაგრძელებ ახალ გუნდთან ერთად მუშაობას. რასაკვირველია, პრიორიტეტი იქნება განათლება, საარჩევნო საკითხებთან დაკავშირებული თემატიკა და, რა თქმა უნდა, საერთაშორისო ურთიერთობები. მე ვარ „კონსერვატიული პარტიიდან“ და, რა თქმა უნდა, „კონსერვატიული პარტია“ „ქართულ ოცნებასთან“ ერთად მიიღებს მონაწილეობას არჩევნებზე”, – განაცხადა გოგუაძემ.

Newstime