რამდენიმე რჩევა მკერდის გადიდების მსურველებს

172

Downloaded by ernie.smith@dailystar.co.uk on 04 May 2007 at 17:31:39

ძნელია იპოვო ქალი, რომელიც საკუთარი გარეგნობით სრულიად კმაყოფილია, მკერდის ფორმით კმაყოფილება კი კიდევ უფრო იშვიათია. უკმაყოფილების მიზეზები სხვადასხვანაირი არსებობს. პირველ რიგში, ეს მკერდის ზომაა, შემდეგ ასაკთან ან ფეხმძიმობასთან დაკავშირებით მისი ფორმის შეცვლა, და ბოლოს სარძევე ჯირკვლების სიმსივნის გამო ერთი ან ორივე ძუძუს მოკვეთა – მასტოექტომია.

breast-enlargement-7

ამ ფიზიკური და ფსიქოლოგიური პრობლემების მოგვარებაზე პლასტიკური ქირურგია დიდი ხანია მუშაობს და ამ მიმართულებით გარკვეული შედეგებიც არის მიღწეული. სარძევე ჯირკვლების ენდოპროთეზირებისა ან აუგმენტაციური მამოპლასტიკის ოპერაციების მიშვეობით შესაძლებელი გახდა მკერდის ზომის და საჭიროების შემთხვევაში, მისი ფორმის შეცვლაც. იგივე ქირურგიული პროცედურის საშუალებით მასტოექტომიის შემდეგ მკერდის აღდგენა და სარძევე ჯირკვლების ასიმეტრიის გამოსწორებაც შეიძლება.

breast-enlargement-6

მკერდის გადიდების ოპერაცია პლასტიკურ ქირურგიაში ყველაზე მოთხოვნადი ოპერაციაა. სპეციალისტები მიიჩნევენ, რომ მსოფლიოში დღეში დაახლოებით მილიონამდე ოპერაცია ტარდება სარძევე ჯირკვლების ენდოპროთეზირების მიმართულებით. მრავალრიცხოვანი სამეცნიერო კვლევებით დადასტურებულია სილიკონის იმპლანტანტების უსაფრთხოება და ონკოლოგიური და იმუნოლოგიური დაავადებების პროვოცირებაში მათი „უდანაშაულობა“. თუმცა როგორც ნებისმიერი სხვა ოპერაცია, მკერდის პლასტიკაც წინასწარ მომზადებას საჭიროებს.

breast-enlargement-5ქირურგთან კონსულტაციის ეტაპი აუცილებელია პაციენტის სურვილების კონსტრუქციულად მოსმენისა და ამ საკითხებზე ექიმის მოსაზრებების მიღებისთვის. მათი ხედვა ერთსა და იმავე პრობლემასთან დაკავშირებით შეიძლება ურთიერთსაპირისპირო იყოს, ამიტომაც აუცილებელია მკერდის მოცულობის, მისი ფორმის, ზომისა და იმპლანტანტის მწარმოებელი ფირმის შესახებ კონსესუსის მიღწევა.  შეთანხმების შემდეგ ექიმი იწყებს მკერდის აზომვას და პაციენტს ოპერაციის იმ ნიუანსებს უმარტავს, რაც ასაკთან, კანის მდგომარეობასთან და სარძევე ჯირკვლების ფიზიკურ პარამეტრებთანაა დაკავშირებული. ოპერაციის დაწყებამდე ტარდება კონსტიტუციური აგებულებისა და მისი თავისებურებების კვლევა კონკრეტული პაციენტისთვის. მთელი ოპერაციის წარმატება გულმკერდის სიფართოვეზე, სიმეტრიისა და სახეობაზე, კანის მდგომარეობაზე, არეოლარული კომპლექსისა და სხვა პარამეტრების ზუსტ ანალიზზეა დამოკიდებული.

breast-enlargement-3

სარძევე ჯირკვლების ენდოპროტეზირების ოპერაციის წინ აუცილებელია მამოლოგთან კონსულტაცია და საჭიროების შემთხვევაში მამოგრაფიის ან ულტრაბგერითი გამოკვლევის ჩატარება. როგორც ნებისმიერი ქირურგიული ჩარევის წინ, ამ დროსაც საჭიროა ანალიზების ჩატარება, ანესთეზიოლოგთან კონსულტაცია და სხვა კვლევები, რომელთა დროსაც ექიმს უნდა აცნობოთ, მოცემული მომენტისთვის ან ადრე რა მედიკამენტებს იღებდით. ეს განსაკუთრებით აქტუალურია სისხლის შედედების ხელისშემშლელი პრეპარატების, როგორიცაა ასპირინი ან ჰეპარინი, მიღების შემთხვევაში.

breast-enlargement-2

ოპერაციამდე 4-5 საათის განმავლობაში პაციენტმა საკვები და სითხე აღარ უნდა მიიღოს. ამ დღეს მკერდს ზომავენ და უღებენ ფოტოებს, რის შემდეგაც ქირურგი პაციენტის კანზე მარკერით საჭირო აღნიშვნებს აკეთებს. ოპერაცია, ჩვეულებრივ, ორ საათზე მეტხანს არ გრძელდება. სარძევე ჯირკვლების ენდოპროთეზირების შემდეგ სამი კვირის განმავლობაში რეკომენდებულია სპეციალური კომპრესიული თეთრეულის ტარება, რომლის ზომა და ტიპი ირჩევა ოპერაციამდე და ეს თეთრეული ოპერაციის დასრულებისთანავე უნდა ჩაიცვათ.

 

Newstime